103 raste të reja me coronavirus, 95 të shëruar

Edhe 103 raste të reja me Coronavirus janë shënuar sot në vendin tonë.

Instituti Kombëtar i Shëndetësisë Publike ka bërë të ditur se numri i rasteve pozitive me koronavirus gjatë 24 orëve të fundit është 103 raste, ndërsa të shëruar janë 85 persona.

Në njoftim tutje bëhet e ditur se rastet pozitive janë nga komuna e Prishtinës, Podujevës, nga Mitrovica, Drenasi, Prizreni, Gjilani, nga komuna e Vushtrrisë, Fushë Kosovës, nga Shtimja, Suhareka, Kaçaniku e Skenderaj.

“Komuna Prishtinë 28 raste, komuna Podujevë 16 raste, komuna Ferizaj 12 raste, komuna Mitrovicë 10 raste, komuna Drenas 7 raste, komuna Prizren 6 raste, komuna Gjilan 5 raste, komuna Vushtrri 5 raste, komuna Fushë Kosovë 5 raste, komuna Shtime 4 raste, komuna Suharekë 3 raste dhe me nga 1 rast komunat: Kaçanik dhe Skenderaj”, thuhet në njoftim.

Numri i rasteve që dolën pozitivë në Kosovë që nga fillimi i pandemisë ka arritur në 5472 nga 35 mijë persona të testuar. /Insajderi.com/