Që nga ora 8 e mëngjesit, e deri në mbrëmje në Suharekë ka pasur mungesë të rrymës.
Kjo ka bërë që disa qytetarë të mblidhen dhe të protestojnë kundër KEDS-it, shkruan Insajderi.
“Prej 08:00 në mëngjes deri në ora 19:00 s’ka pas rrymë sot, pra 11 orë, e në orët e mrëmjes si paralajmërim të KEDS, për protestë janë mbledh disa qytetarë në Therandë”, ka thënë një qytetarë për Insajderin.
Mundësinë për bllokim të rrugëve e ka lënë të hapur edhe kryetari i kësaj komune, Bali Muharremaj.
Ai ka thënë se kjo është mënyra e vetme për ta kundërshtuar këtë që po e bën KEDS-i.
“Nëse kjo situatë nuk përmirsohet nga ana e KEDS-it, bashkë me qytetarët dhe bizneset do ti bllokojmë rrugët, duke protestuar në forma paqësore deri në përmirsimin e kësaj gjendje”, ka shkruar Muharremaj në facebook.
Më poshtë mund të shihni pamje nga protesta në Suharekë. /Insajderi.com
