362 është numri i përgjithshëm i pacientëve të cilët po marrin trajtime në klinikat e Qendrës Klinike Universitare të Kosovës dhe në spitalet rajonale, njofton Insajderi.
Sipas raportit ditor, 257 pacientë që po marrin trajtime janë të konfirmuar me COVID-19, ndërsa 234 po trajtohen me oksigjenoterapi, prej tyre 18 në CPAP dhe gjashtë në respiratorë.
Nga numri i pacientëve Klinika Infektive në QKUK ka të hospitalizuar 59 pacientë të konfirmuar me COVID-19, ndërsa nga spitalet rajonale ai i Prizrenit ka numrin më të madh të pacientëve të hospitalizuar, ku po marrin trajtim 49 pacientë. /Insajderi.com
