Policia e Kosovës ka njoftuar se 60-vjeçari në Vitomiricë të Pejës dyshohet se është vrarë nga dy të mitur, përcjell Insajderi.
Sipas policisë, dy të dyshuarit për shkak të një mosmarrëveshje e kishin goditur me thikë viktimën, dhe si pasojë e plagëve i njëjti ka vdekur në Spitalin e Pejës.
“Rr. Hysen Hykaj, Vitomiricë, Pejë 07.05.2021 – 13:00. Janë arrestuar dy te dyshuar meshkuj kosovarë (të mitur) pasi që pas një mosmarrëveshje me viktimën mashkull kosovar të njëjtin e kishin goditur me mjet të mprehtë, thikë. Si pasojë e goditjeve me thikë, viktima ka ndërruar jetë në Spitalin Rajonal në Pejë. Në vendin e ngjarjes kanë dalë njësitë përkatëse policore si dhe prokurorit i shtetit”, thuhet në raportin 24 orësh të policisë.
Me vendim të prokurorit kujdestar, të dyshuarve iu është caktuar masa e ndalimit policor për 24 orë./Insajderi.com