Një grua franceze është arrestuar në Indi për shkak se ka postuar një video në një urë të shenjtë në qytetin verior të Rishikesh. Kjo video u postua në mediat sociale, raporton BBC, shkruan Insajderi
Gruaja është duke u përballur me akuza lidhur me ligjin e internetit të Indisë dhe mund të dënohet deri në 3 vjet në burg, nëse shpallet fajtore, raporton agjensia e lajmeve AFP.
Ura mbi lumin Gang është një vend i shenjtë dhe një pikë e popullarizuar për turistët.
Gruaja e cila është liruar me garanci, i ka thënë policisë që videoja ishte bërë për të promovuar biznesin e saj të bizhuterive.
“Ndoshta në Francë këto gjëra nuk konsiderohen objektifikuese. Por Rikinesh është një vend i shenjtë dhe Lakshman Jhula është një vend ku perënditë hindu Ram, vëllai i tij Laksham dhe gruaja e tij Sita kalojnë për të shkuar në Gang”, thotë RK Saklani, udhëheqësi i stacionit të policisë në të cilën ishte marrë gruaja franceze, për AFP.
Gruaja e cila ende nuk është identifikuar, u arrestua të enjten pasi policia u lajmërua për videon.
“Gjatë marrjes në pyetje, ajo pranoi që ka postuar videon në të cilën ajo shihet e zhveshur, por ka thënë që nuk e dinte që ishte ilegale në Indi. Ajo tha që videoja kishte për qëllim të promovonte biznesin e saj në të cilin ajo shet qafore”, ka treguar një zyrtar për gazetën indiane Hindustian Times.
Rasti mund të zgjasë me muaj të tërë./Insajderi.com
