Një prej diamanteve më të mëdhenj në botë është zbuluar në Afrikë – një gur 442 karatësh me vlerë sa 18 milionë dollarë, sipas një eksperti, shkruan Fox News, transmeton Insajderi.
“Gjetja e këtij diamanti të mrekullueshëm 442 karat, një nga diamantët më të mëdhenj në botë me cilësi cilësinë më të lartë, është konfirmim i mëtutjeshëm i kalibrit të minierës Letseng dhe aftësisë së tij për të prodhuar vazhdimisht diamante të mëdha, me cilësi të lartë,” – Clifford Elphick tha në një deklaratë.
Sipas Bloomberg, i cili raportoi për herë të parë lajmin, guri i çmuar mund të ishte me vlerë sa 18 milionë dollarë, duke cituar një shënim hulumtimi nga analisti i BMO Capital Markets Edward Sterck.
“Një pjesë e të ardhurave nga shitja e këtij diamanti do të përdoren për të financuar një projekt të komunitetit, siç është rënë dakord me partnerin tonë, qeverinë e Lesoto,” – tha Elphick
Lesoto është një vend në Afrikën Jugore. Ka një popullsi prej pak më shumë se 2 milionë dhe ka qenë një vend i pavarur që nga viti 1966, pasi fitoi lirinë nga Britania.
Megjithëse industria e diamanteve ka vuajtur si rezultat i pandemisë COVID-19, kërkesa për gurë më të mëdhenj është më e qëndrueshme, duke pasur parasysh rrallësinë e këtyre gurëve të çmuar, njoftoi Bloomberg. /Insajderi.com
