fbpx

A mund të kalojë në finalen e Eurovizionit këngëtarja Jonida Maliqi?

A mund të kalojë në finalen e Eurovizionit këngëtarja Jonida Maliqi?

Tanimë dihen të gjitha këngët të cilat do të konkurrojnë në gjysmëfinalen e dytë të edicionit të këtij viti të Festivalit Evropian të Këngës – Eurovizion.

Shqipëria do të përfaqësohet në natën e dytë me Jonida Maliqin dhe këngën “Ktheju tokës”, dhe kësisoj është kënga e 16-të që Shqipëria e dërgon në Eurovizion.

Me 16 maj mbahet gjysmëfinalja e dytë, ndërsa me 18 maj është finalja e madhe.

Shqipëria këtë vit përflitet se ka shansa të mëdha të kalojë për në finale, ku edhe do të mund të sigurojë një pozicion të fortë.

Momentalisht, nga finalja e dytë këngët më të përfolura janë përfaqësuesi i Rusisë, Zvicrës, Holandës, Maltës dhe Suedisë, të gjitha këto shtete të cilat edhe në të kaluarën kanë pasur rezultate të mira në Eurovizion.

Kënga e Jonidës veçohet për gjuhën shqipe por edhe për stilin e saj dramatik, e këtu ndihmon edhe vokali i Jonidës dhe performanca surprizë të cilën do ta shohim në natën e performancës.

Anjeza Shahini, Eugent Bushpepa dhe Rona Nishliu i mbajnë rezultatet më të suksesshme për Shqipërinë në Eurovizion./Insajderi.com