Bizneset e Prishtinës që nuk kanë mundur të aplikojnë për grante që ofron Komunës së Prishtinë, kanë ende mundësi.
Këtë e ka kumtuar kryetari i kryeqytetit, Shpend Ahmeti nëpërmjet një postimi në Facebook.
“Të gjitha bizneset përfituese të grantit për bizneset e prekura nga #covid19 që për çfarëdo arsye nuk kanë arritur të i dorëzojnë dhe kompletojnë dokumentet e kërkuara, do të mund të i dorëzojnë ato nga data 11 – 15 janar 2021”, tha ai.
Ahmeti ka treguar për dokumentet e domosdoshme që nevojiten për aplikuar
– Letërnjoftimin valid, kopje në të dy anët.
– Konfirmimin e llogarisë bankare në emër të biznesit.
– Certifikatën e re të biznesit (që ka numrin unik identifikues ku fillon me nr81 dhe është 9 shifror). /Insajderi.com