Një aksident është regjistruar në aksin Elbasan-Peqin, në afërsi të fshatit Përparim. Mësohet se shkak për aksidentin është bërë parakalimi i gabuar i njërit prej shoferëve, njofton Insajderi.
Si pasojë kanë mbetur të plagosur 5 persona, ku 3 prej tyre janë në gjendje të rëndë. Makinat kanë dalë jashtë autostradës dhe njëra prej tyre ka përfunduar në një tokë të mbjellë me misër.
Në vendin e ngjarjes ka mbërritur policia që po punon për zbardhjen e plotë të shkaqeve të aksidentit./Insajderi.com
