Një grup aktivistësh të PDK-së në Komunën e Prishtinës kanë ndërhyrë në përurimin e parkut të ri në Prishtinë.
Ata kanë ngjitur letra të bardha me zemra dhe mbishkrime në të, derisa për disa minuta është ndërprerë fjalimi i Shpend Ahmetit.
Një nga aktivistët e ka pyetur atë se i kujt është jahti. Të pyetur nga KTV se për çfarë po e bëjnë një gjë të tillë, ata kanë thënë se të gjitha aktivitetet e PDK-së që Vetëvendosje dikur i ka prishur, të njëjtën gjë do ta bëjnë edhe ata tani.
“Nuk do ta lëmë rehat derisa ai të japë llogari për disa gjëra, si për shembull për bashkëpunimin e tij me biznese të dyshimta e shumë të tjera”, ka thënë njëri nga aktivistët në lagjen Bregu i Diellit, njofton KTV
Kujtojmë që ky park tek palestra “1 Tetori” u inaugurua sot në orën 21:00, investim ky nga Komuna e Prishtinës në bashkëpunim me DEMOS-in.
