Lideri i Aleancës për Ardhmërinë e Kosovës, Ramush Haradinaj, ka ripërsëritur thirrjen ndaj kryeministrit Albin Kurti që të japë dorëheqje.
Në një postim në Facebook, Haradinaj shkruan se asnjëherë nuk do t’i mbështes “shkelësit e ligjit”.
“Ne i dojmë ata në burgje, por jo përmes gjykimit tënd publik, përmes hajnave të vegjël që shfaqen si fantazma të gjalla në ekrane. Por, përmes organeve të drejtësisë, të cilave ti e ushtria jote po iu bëni presionin më të madh të mundur. A jemi ne shtet totalitar? Jo, por me çasjen tënde për kapjen e institucioneve të pavarura, po rrezikohemi të arrijmë edhe në atë situatë”.
Kjo nuk është hera e parë që Haradinaj ia kërkon dorëheqjen Kurtit. Një gjë të tillë e ka bërë edhe javë më parë. Ai i kishte kërkuar qeverisë që ta trajtojë me seriozitet çështjen e menaxhimit të pandemisë dhe të fokusohet në procesin e vaksinimit, ose “të japë dorëheqje”./Insajderi.com
