Deputeti i Lëvizjes Vetëvendosje, Liburn Aliu, e ka cilësuar si arritje njohjen e Kosovës nga Izraeli, mirëpo ka kritikuar vendimin që ambasada e Kosovës të hapet në Jerusalem dhe jo në Tel Aviv, njofton Insajderi.
Në seancën e sotme plenare, Aliu ka thënë se vendi ka hyrë në telashe me shumë shtete që e kanë njohur pavarësinë e Kosovës, për shkak të deklaratave se ambasada do të hapet në Jerusalem.
“Njohja e Izraelit është arritje. Çka patët nevojë me deklaru ambasadën tonë në Jerusalem e jo në Tel Aviv, nuk e kuptoj. Pse na duhet me hy në bela të panevojshme të dëmshme në aspektin tonë diplomatik që ju e dini shumë mirë se shumë vende që na kanë njohur, na keni armiqësu me to, ju i keni prishur marrëdhëniet”, ka thënë Aliu.
Sipas tij, ky është gabim dhe se kryeqytet i Izraelit është Tel Avivi e jo Jerusalemi.
“Çka na u desh me deklaru kryeqytet Jerusalemin kur është Tel Avivi”, ka shtuar Aliu. /Insajderi.com
