Ambasada e Shteteve të Bashkuara të Amerikës në Prishtinë, kësaj radhe ka ardhur me një këshillë për qytetarët se si dhe ku duhet ta mbajnë maskën në mënyrë që të luftohet pandemia COVID-19, njofton Insajderi.
Përmes një njoftimi në Twitter, kjo ambasadë thotë se maska duhet të mbahet në publik, sidomos kur nuk ka distancë më larg se dy metra midis njerëzve me të cilët nuk jetojnë bashkë.
“Mbani maskën kur jeni në publik, sidomos kur nuk mund të qëndroni më larg se 2 metra nga ata që nuk jetojnë në shtëpinë tuaj”, thuhet në njoftim.
Nëpërmjet një grafike, nga Ambasada e SHBA-së kanë treguar edhe vendet se ku duhet mbajtur maska.
“Gjatë blerjes, vizitat tek mjeku dhe në farmaci, gjatë qëndrimit në restorant (Kur nuk jeni duke ngrënë), në veturën e dikujt tjetër dhe në transportin publik, duhet mbajtur maska”.
“Në shtëpi me anëtarët e familjes dhe në veturë kur jeni me familjarë, nuk është e nevojshme që të mbahet”, bëhet e ditur tutje. /Insajderi.com/
Wondering when to use a mask? Wear a mask when you are in a public setting, especially when it is difficult stay 6 feet away from others not living in your household. Learn more at https://t.co/wbaDQWVnu8. #WorldMaskWeek pic.twitter.com/TVIX60xvun
— U.S. Embassy Pristina (@USEmbPristina) August 10, 2020
