“Pozicioni i Greqisë për të mos njohur pavarësinë e Kosovës është i njohur dhe mbetet i pandryshuar”.
Kështu ka deklaruar ambasadori grek në Serbi, Georgios Diacofotakis, raporton Tanjug, transmeton Insajderi.
Ai komentoi mbi pritjet e analistëve të politikës së jashtme, David Phillips dhe Daniel Serwer që Greqia do të ndryshojë pozicionin e saj dhe ndoshta do të njohë Kosovën.
Tri ditë më parë, ekspertët e politikave ndërkombëtare, David Phillips dhe Daniel Serwer, thanë për Televizionin Dukagjini se nga pesë shtetet e Bashkimit Evropian që nuk e kanë njohur Kosovën, Greqia ka gjasa të ndryshojë qëndrim./Insajderi.com