Angelina Jolie ka ndarë mendimin e saj për protestat në mbarë botën kundër padrejtësisë racore si nënë e gjashtë fëmijëve, përfshirë tre fëmijë me ngjyrë.
Ajo përmendi vajzën Zahara, 15 vjeçe, të cilën e birësoi me ish-burrin Brad Pitt nga një jetimore në Etiopi, kur fliste në Harper’s Bazaar në Mbretërinë e Bashkuar për protestat mbraë botërore, në vazhdën e vdekjes së George Floyd në kujdestarinë e policisë në Minneapolis muajin e kaluar, njofton Insajderi.
“Ka më shumë se 70 milionë njerëz që u është dashur të largohen nga shtëpitë e tyre në të gjithë botën për shkak të luftës dhe persekutimit – dhe ka racizëm dhe diskriminim në Amerikë”, tha Jolie. “Një sistem që më mbron, por që nuk mund të mbrojë vajzën time – ose ndonjë burrë, grua ose fëmijë tjetër në vendin tonë bazuar në ngjyrën e lëkurës – është i patolerueshëm.”
“Ne kemi nevojë të përparojmë përtej empatisë dhe synimeve të mira ndaj ligjeve dhe politikave që në të vërtetë adresojnë racizmin strukturor dhe pandëshkueshmërinë. Përfundimi i abuzimeve në polici është vetëm fillimi. Ai shkon shumë larg se, në të gjitha aspektet e shoqërisë, nga sistemi ynë arsimor, deri te politika jonë.”
Ajo gjithashtu kishte disa këshilla të thjeshta për prindërit që kërkonin t’i mësonin fëmijët e tyre për racizmin gjatë kësaj kohe.
“Dëgjoni ata që shtypen dhe kurrë mos supozoni se e dini si është”, tha ajo.
