Këtë mbrëmje, Arjan Konomi ishte i ftuar me të gjithë konkurrentët e “Përputhen” në emisionin “Shiko Kush Luan” me Luana Vjollcën.
Për të u përgatit një sfidë që i shkonte fiks rolit që ai kishte pasur për vite në televizion – atë të opinionistit, njofton Insajderi.
Konomit i duhej të jepte një opinion për personazhin më të mirë dhe atë më pak të mire në fusha të ndryshme si prezantim, art, “Përputhen” e kur radha erdhi për “Big Brother”, ai zgjodhi të fliste për vetëm një personazh – atë më të mirin.
Teksa fillon e flet, sytë i shkëlqejnë nga lotët që i grumbulloheshin teksa kujton të ndjerën, Adelajda Xhamanin.
“Kjo është jeta dhe në jetë duhet të përpiqemi gjithmonë të luftojmë. Kështu ishte dhe Adela, u përpoq, erdhi nga një realitet i zi, i trishtuar, krijoi shumë polemika në televizion dhe çau pa e vrarë mendjen për atë që mendonte opinioni, për atë që u thonin njerëzit”, thotë ai.
Pas daljes nga formati “Big Brother”, Xhamani kishte nisur rrugëtimin e saj në gazetari, rrugëtim ky që u ndërpre nga vdekja e saj e papritur në moshën 31 vjeçare.
“Arriti një karrierë në televizion, në gazetari, por fati i saj ishte ky. Ndaj duhet të kërkojmë të luftojmë, pasi jeta është e shkurtër”, u shpreh Konomi.
“Ia kisha borxh Adelës”, përfundon ai.
Adelajda Xhamani që nga hyrja në format shpejt u bë një personazhet më të pëlqyera e më të diskutuara të publikut, edhe për lidhjen e saj brenda formatit me Bjordi Mejzinin.
Në tetor të vitit 2017, vdekja e saj e parakohshme tronditi publikun shqiptar. Shkaku i vdekjes ishte sulmi në zemër. /Insajderi.com
View this post on Instagram
