fbpx

Arrestohen 6 persona të dyshuar për disa vjedhje në Prishtinë

Arrestohen 6 persona të dyshuar për disa vjedhje në Prishtinë

Sot njësitet policore të stacionit Jugu në Prishtinë, kanë arrestuar gjashtë persona të dyshuar për disa vjedhje të rënda, si dhe ka sekuestruar gjësende ( mbi 2000 euro vlerë), që dyshohet të jenë të vjedhura, njofton Policia e Kosovës.

Rastet (dhjetëra raste vjedhje të rënda  ), për në cilat ekziston dyshimi i bazuar se  janë të përfshirë këta persona, kanë ndodhur në intervale të ndryshme kohore, kryesisht në lokale  në zonën e  përgjegjësisë së stacionit policor Jugu, (ne lagjet Ulpiana dhe Dadana).

Personat  e  arrestuar:

Ø  L. B, mashkull, 19 vjeç, shtetas i Republikës së Kosovës,

Ø  V. S, mashkull, 19 vjeç, shtetas i Republikës së Kosovës,

Ø  F. S, mashkull, 19 vjeç, shtetas i Republikës së Kosovës,

Ø  A. Sh, mashkull, 18 vjeç, shtetas i Republikës së Kosovës,

Ø  S. F, mashkull, 18 vjeç, shtetas i Republikës së Kosovës dhe

Ø  E. B, mashkull, 17 vjeç, shtetas i Republikës së Kosovës,

Me urdhër të prokurorit pas intervistimit nga hetuesit e stacionit policor Jugu në Prishtinë, 5 prej tyre janë dërguar në qendrën e mbajtjes, ku aktualisht hetuesit po kryejnë të gjitha veprimet e nevojshme hetimore e procedurale lidhur me rastet në fjalë. Ndërkohë që gjësendet e sekuestruara konform procedurave i janë dorëzuar pronarit.