Zyrtarët e Nikaraguas kanë njoftuar se policia e këtij shteti i ka arrestuar katër burra që dyshohen si anëtarë të grupit të Shtetit Islamik. Ata u kapën duke hyrë ilegalisht në territorin e Nikaraguas përmes kufirit me Kosta Rikën.
Identiteti i tre prej burrave të arrestuar lidhen me një paralajmërim të lëshuar nga zyrtarët e Shteteve të Bashkuara, të cilat i kanë njoftuar shtetet e Amerikës Qendrore se këta tre xhihadistë të dyshuar ndodhen në territorin e tyre.
Në raporte thuhet se këta burra mund ta kishin planifikuar hyrjen në territorin e Shteteve të Bashkuara. Në mesin e katër personave të arrestuar, të cilët ishin të moshës nga 26 deri 41-vjeçare, janë dy me shtetësi të Egjiptit dhe dy të tjerë me shtetësi të Irakut. Ata tashmë janë deportuar në Kosta Rika.
Policia e Nikaraguas njoftoi se katër burrat e arrestuar kanë hyrë ilegalisht në territorin e këtij shteti përmes pikës së njohur si “La Guasimada”. Ata u arrestuan të martën në mëngjes sipas kohës lokale dhe u dërguan në Kosta Rika në mbrëmje.
Sipas dokumenteve që u janë gjetur këtyre katër personave, Mohamed Ibrahim, Mahmoud Eissa dhe Ahmed Al Jubury kanë hyrë në territorin e Nikaraguas më 9 qershor, shkruan “BBC”.
