Tre persona janë arrestuar sot (e hënë) në Han të Elezit, pasi të njëjtit dyshohen se kanë kryer veprën penale vjedhje e rëndë, njofton Insajderi.
Siç njofton policia përmes një komunikate për media, të arrestuarit janë A.Z., 22-vjeçar, S.F., 24-vjeçar dhe një i mitur, të tre kosovarë.
“07 dhjetor 2020, rreth orës 03:00 minuta, në Han të Elezit, kanë hyrë me forcë në lokalet e një qendre tregëtare dhe kanë vjedhur 4.000 euro nga kasaforta si dhe janë larguar në drejtim të panjohur”, thuhet në njoftim.
Pas intervistimit, Prokurori i Shtetit ua ka caktuar masën e ndalimit për 48 orë të dyshuarve./Insajderi.com
