Në fshatin Cernicë të Gjilanit, policia e Kosovës ka arrestuar një person i cili dyshohet se ka ngacmuar seksualisht gruan dhe dy vajzat e tij.
Rastin për Insajderin ka konfirmuar zëdhënësi i policisë, Ismet Hashani, për rajonin e Gjilanit.
I dyshuari 50 vjeçar, me inicialet M. Sh, dyshohet se e ka bërë këtë veprim të ulët ndaj familjarëve të tij për tri ditë me radhë.
Duke e parë këtë gjendje, fqinji i tij i parë dje pasdite e ka lajmëruar rastin në polici me qëllim të ndërmarrjes së masave për mbrojtjen e viktimave nga ngacmimi i vazhdueshëm seksual.
Policia ka arrestuar të dyshuarin dhe e ka ndaluar për 48 orë ndërsa në konsultim me prokurorin e shtetit rasti është inicuar si “Ngacmim seksual”.
Për shkak të gjendjes shëndetësore dhe rekomandimit të psikiatrit, i dyshuari është ndaluar për trajtim në Repartin e Psikiatrisë dhe sigurohet nga patrolla policore/Insajderi.com
