Është arrestuar një person në Gjilan pasi ka kryer tri vjedhje në kompaninë e ujësjellësit “Hidromorova”.
Lajmin për Insajderi-n e ka konfirmuar zëdhënësi i Policisë së Kosovës për rajonin e Gjilanit, Ismet Hashani.
Dyshohet se personi me iniciale Sh.G ka vjedhur 27 copë bateri-akumulator në të kamionëve dhe 205 copë orë matëse të ujit si dhe 1400 copë mbështjellës-pjesë përcjellëse të orëve matëse
“Dyshohet se ai ka arritur të vjedhë njëzet e shtatë (27) copë bateri-akumulator të kamionëve, dyqind e pesë (205) copë orë të ujit si dhe njëmijë e katërqind (1400 ) copë (mbështjellës-pjesë përcjellëse të orëve matëse). I dyshuari është intervistuar në prezencë të avokatit mbrojtës dhe janë gjetë prova të qëndrueshme që lidhen me veprat penale “Të rasteve të vjedhjeve”. Me vendim të prokurorit të shtetit i dyshuari ndalet në mbajtje për 48 orë. Rasti procedohet në PTh”, tha nga Policia Ismet Hashani.
Me vendim të prokurorit të shtetit i dyshuari ndalet në mbajtje për 48 orë. /Insajderi.com