Policia në Prizren ka arrestuar një person i cili dyshohet se ka keqpërdorur seksualisht një të mitur me aftësi të kufizuara.
Në shtëpinë e të dyshuarit gjithashtu janë gjetur dy revole.
“Njësitë policore pas hetimeve të zhvilluar kanë arritur ta identifikojnë dhe ta arrestojnë të dyshuarin mashkull K-Shqiptar i cili dyshohej se keqpërdorte seksualisht viktimën e mitur femër K-Shqiptare me aftësi të kufizuara. Është kryer bastisja në shtëpinë e të dyshuarit ku janë gjetur dy armë të zjarrit të cilat janë konfiskuar. Me vendim të prokurorit i dyshuari dërgohet në mbajtje”, thuhet në raportin e Policisë.