Arrestohet një person nga një aksion i Policisë në Prishtinë

Arrestohet një person nga një aksion i Policisë në Prishtinë

Një person është arrestuar nga Policia e Kosovës gjatë një aksioni i cili është zhvilluar sonte në Prishtinë, njofton Insajderi.

Këtë lajm e ka konfirmuar zëdhënësi i Policisë së Kosovës, Baki Kelani, duke mos dhënë detaje më të hollësishme për operacionin dhe karakterin e tij.

“Policia e Kosovës, në këtë rast Drejtoria për Hetimin e Krimeve Ekonomike dhe Korrupsionit, në orët e mbrëmjes së datës 20.10.2020, ka ndërmarrë një operacion policor në rajonin e Prishtinës, i cili ka rezultuar me arrestimin e një personi të dyshuar. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë, ku për informacione shtesë do të ju mbajmë të informuar”, ka thënë Kelani./Insajderi.com.