Mediat angleze kanë bërë të ditur se drejtori i Arsenalit Ivan Gazidis ka ftuar një konferencë të jashtëzakonshme për media sot dhe shkruajnë se pikërisht në këtë konferencë edhe mund të dihet emri i trajnerit të ri të Arsenalit.
Arsene Wenger, sot e konfirmoi se pas 22 vjetësh do ta lë Arsenalin në fund të këtij sezoni, duke provokuar kështu një valë të madhe të reagimeve në internet dhe në media .
Wenger, i cili sivjet mund të përshëndetet me trofe nga Arsenali për shkak se ekipi i tij është ende në garë për të fituar Europa Ligën, do të mund të pasohet nga një prej ish lojtarëve të tij.
