Asnjë vdekje nga Coronavirusi nuk është shënuar brenda 24 orëve të fundit në Kosovë, njofton Insajderi.
Kështu është bërë e ditur në njoftimin e fundit të Ministrisë së Shëndetësisë, ku thuhet se tri raste të reja pozitive kanë rezultuar me COVID-19 gjatë kësaj kohe.
Rastet e reja të infektimit janë shënuar nga gjithsej një mijë e 105 mostra të marra për testim.
Sot janë shëruar pesë qytetarë, derisa numri i përgjithshëm i të shëruarve është 105.381. Në total numri I rasteve aktive është 158.
Në 24 orët e fundit janë dhënë 569 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 206.443 doza të vaksinës. Deri më sot 49.616 qytetarë janë vaksinuar me dozën e dytë. /Insajderi.com
