Talenti francez pritet të luajë në derbin mes Barcelonës dhe Real Madridit.
Ousmane Dembele ka tejkaluar parashikimet, pas lëndimit të pësuar ndaj Getafes më 16 shtator.
20-vjeçari, i cili po kryen fazën e rikuperimit me një program të veçantë, pritet të rikthehet shumë shpejt nën urdhrat e trajnerit Ernesto Valverde, i cili me shumë mundësi do ta ketë në dispozicion sulmuesin para El Clasicos me Real Madridit më 23 dhjetor.
Dembele u transferua te katalanasit gjatë verës për shumën e 105 milionë eurove, plus bonuset, nga Borussia Dortmund, për të plotësuar vendin e mbetur bosh nga largimi i Neymar.
Pas lëndimit që pësoi në mes të shtatorit u tha se mund të rikthehej në fushën e blertë vetëm në 2018-ën, por riaftësimi po shkon shumë mirë dhe 20 vjeçari po stërvitet dy herë në ditë.