Valon Behrami ka reaguar dhe ka demantuar lajmet e disa mediumeve nga Kosova që kanë raportuar se “Behrami do të jetë lojtar i Kosovës”.
Mesfushori i Watford ka thënë se shumë shpejtë do të qartësojë të ardhmen e tij, pasi sipas tij, raportimet e këtyre mediumeve kanë qenë të pavërteta.
Unfortunately I read a lot of fake news about my future with the national team soon I will make it clear
— Valon Behrami (@ValonBera) August 15, 2016
“Fatkeqësisht kam lexuar shumë lajme të pavërteta rreth të ardhmes time në Kombëtare. Shumë shpejtë do ta bëjë të qartë”, ka shkruar Behrami në Twitter.
Behrami e ka shprehur disa herë më parë se nuk do ta ndërrojë përfaqësuesen e Zvicrës për atë të Kosovës. Ai është zëvendëskapiten në skuadrën përfaqësuese të helvetëve. /Insajderi.com
