Moderatorja Bora Zemani ka thumbuar së fundmi moderatoren Arbana Osmani dhe programin e saj “Dua të të bëj të lumtur”, gjatë transmetimit të emisionit “Treshat”.
Këngëtari Robert Berisha ishte i ftuar në studio për të folur rreth jetës profesionale dhe asaj private dhe në një moment, Bora ka shfaqur në ekran për Robertin foton e Nora Istrefit duke i kërkuar falje që nuk e bën dot të lumtur me një video-mesazh.
“Do donim realisht ta kishim Norën në lidhje direkte, donim edhe ne të të bënim të lumtur dhe kaq mundësi kishim të të nxirrnim një foto të Norës. Me mënyrat tona modeste u munduam dhe ne të të bënim të lumtur meqë ti e bëre para disa javësh”, u shpreh ajo.
Para disa javësh e ftuar në “Dua të të bëj të lumtur” me Arbana Osmanin, ishte Nora Istrefi dhe moderatorja shfaqi në ekran një video-mesazh nga Roberti për këngëtaren.
