PZAP-i ka marrë vendim për heqjen nga rezultati përfundimtar të votave të ardhura nga Serbia.
Me vendimin në fjalë, Nisma Socialdemokrate thotë se koalicioni i tyre me AKR-në dhe PD-në do të jetë pjesë e legjislaturës së re të Kuvendit, shkruan Lajmi.net.
E nëse kjo ndodh, atëherë priten ndryshime në renditjen e numrit të deputetëve të partive, emrave e ndryshime tjera.
Lajmi.net jua sjell më poshtë ndryshimet që priten nëse NISMA-AKR-PD hyn në Kuvend.
- Vetëvendosjes i hiqen tre deputetë dhe në këtë formë numri i deputetëve të kësaj partie bie në 29.
- LDK-së i hiqet një deputet, e në total kjo parti do të ketë 28 ulëse.
- PDK-së i hiqet një deputet, e kjo parti mbetet me 24 ulëse.
- AAK-PSD i hiqet një deputet, koalicioni mbetet me 13 ulëse.
- Deputetë nga Nisma-AKR-PD pritet të jenë: Fatmir Limaj, Behgjet Pacolli, Endrit Shala, Haxhi Shala, Mirlinda Sopi – Krasniqi, Albulena Balaj – Halimaj.
- VV-së e LDK-së i imponohet koalicioni me një parti të tretë për shkak se të dyja bashkë kanë gjithsej 57 ulëse në Kuvend, nga 61 vota sa duhet për t’u krijuar Qeveria.
- Ndryshon për pak përqindja e partive, Nisma sipas kryetarit të saj, Fatmir Limaj merr 5.012 vota.