Coronavirus në futbollin suedez , rrëfehet Asani – testet, karantina dhe situata në AIK

Insajderi

Arbnor Luta

Coronavirus në futbollin suedez , rrëfehet Asani – testet, karantina dhe situata në AIK

Shpërndarja e virusit corona në gjithë Evropën, ka bërë që shumë kampionate të pezullohen për një afat të pa cakutar, deri në një vendim të ri. Një ndër kampionatet e pezolluara është edhe ai i Suedisë, në të cilin luan futbollisti shqiptar Jasir Asani. Asani është pjesë e gjigantit suedez AIK dhe për Insportin ka rrëfyer sitautën e jashtëzakonshme e krijuar pas virusit corona.

Federata e Futbollit suedez ditë më parë ka pezolluar kampionatin deri në një afat të pa caktuar dhe kjo sigurisht se ka pasur ndikim te klubet suedeze. Asani ka deklaruar nuk janë izoluar dhe se janë të lirë të dalin në vende publike për të kaluar kohë. “Nuk jemi izoluar, të gjithë mundemi të dalim në qytet dhe të kalojmë kohë, nuk ka panikë, shteti suedez e ka menaxhuar mjaftë mirë sitautën”.

Ish futbollisti i Partizanit të Shqipërisë, thotë se nuk është testuar për virusin corona dhe se nuk ia ka frikën aspak, por që duhet të treguar kujdes. “Unë nuk kam bërë ende testet, nuk ja kam frikën. Ne kishim ndeshjen me Malmon në Superkupën e Suedisë, por u anulua për shkak të virusit. Të hënën do të njoftohemi për vendimet e reja”.

Mesfushori sulmuesi rrëfen momentin kur dëgjoi se virusi ka arritur edhe në shtetin suedez. Ai në momentin kur u njoftua për këtë, thjesht i është drejtuar Zotit duke bërë lutjet e zakonshme. “Në momentin që dëgjova për virusin, i jam drejtuar Zotit me lutje, pasi vetëm ai mund të vendos se çfarë do të ndodhë me ne. Dua të dërgoj një mesazh për popullin shqiptar, që të mos dalin nga shtëpitë e tyre dhe se do ta mposhtin virusin”.

Fantazisti deri më tani është paraqitur në disa ndeshje miqësore, duke shënuar edhe gol.

Kampionati suedez i njohur “Allsvenskan” ishte paraparë që të fillonte me katër prill, por tashmë është shtyrë deri në një vendim të ri nga federate suedeze. /Insporti.com/