Një shtetas nga Jemeni është dënuar me vdekje për sulmin ndaj një trupe teatrore spanjolle gjatë një shfaqjeje në nëntor në Riad, njoftoi sot televizioni shtetëror saudit.
Bashkëpunëtori i tij u dënua me 12 vjet e 6 muaj burg, sipas televizionit Al-Ekbari. Katër anëtarë të trupës së teatrit u plagosën në sulmin e 11 dhjetorit, sipas Madridit zyrtar.
Dy të dënuar kanë mundësinë për të apeluar. Televizioni pretendoi se shkelësi kishte marrë urdhra nga organizata terroriste Al-Kaida
“Një gjykatë penale ka dënuar me vdekje kryesit e një sulmi terrorist në Riad,” tha televizioni shtetëror.
Shtetet e Bashkuara e konsiderojnë Al-Kaidën në Gadishullin Arabik (AQPA) degën më të rrezikshme të këtij grupi radikal. Sulmi i 11 nëntorit është sulmi i parë ndaj artistëve që kur mbretëria ultra-konservatore hapi derën për artistë të huaj.
Policia saudite e ka identifikuar sulmuesin si një refugjat 33-vjeçar nga Jemeni.
Viktimat e sulmit, dy burra dhe një grua, pësuan lëndime sipërfaqësore, njoftojnë mediat saudite pas sulmit.