Është shpallur fajtor dhe dënuar me burgim të përjetshëm për vrasjen e të riut Jetmir Aliaj në Suharekë, ish-pjesëtari i Policisë së Kosovës, Shefki Spahiu.
Vendimin për dënimin e Spahiut e ka marrë Gjykata e Prizrenit, njofton Insjaderi.
Shefiku, ish-rreshter i policisë, u gjykua dhe dënua për veprën penale “vrasje e rëndë”.
Në aktakuzë thuhet se polici Spahiu kishte qëndruar në një kazino dhe papritur duke shfrytëzuar besimin dhe sinqeritetin e Jetmir Aliajt, në mënyrë dinake e kishte nxjerrë pistoletën e markës “Glock” (arma e tij zyrtare) të cilën e kishte të gatshme për shkrepje dhe nga një distancë prej një metër kishte shtënë një herë në pjesën ballore të kokës, duke shkaktuar vdekjen e viktimës./Insajderi.com