Një person ka vdekur sot në në Prishtinë, shkruan Insajderi.
Nga burime të Express brenda Prokurorisë së Kosovës, personi i cili ndërroi jetë është 45 vjeçar nga Fushë Kosova, i komunitetit rom.
Personi që ndërroi jetë, ka jetuar jashtë Kosovës, konkretisht në Gjermani.
Familja e tij, jetojnë në gjithashtu në Gjermani, të cilët edhe për momentin gjenden atje.
Sipas burimeve, përleshja fizike ka ndodhur mes tij dhe një personi tjetër, e që përveç grushteve, janë përdorur edhe armë apo mjete të forta.
Prokuroria tani më i ka pamjet e kamerave të sigurisë, dhe është duke e hetuar rastin, por ende nuk dihen motivet pse ndodhi rrahja dhe si erdhi deri te vdekja e 45 vjeçarit.
Zëdhënësi i policisë, Bajram Krasniqi, kishte dhënë detaje për Insajderin në lidhje me rastin.
“Në ora 17:51, policia ka pranuar një informatë për një rrahje tek nënkalimi i rrugës ,,B.Kllinton” saktësisht tek shkallët. Një person është dërguar në emergjencë, i njëjti kishte pësuar lëndime të rënda tek shkallët e nënkalimit dhe si pasojë ka ndërruar jetë, këto janë të dhënat fillestare, policia po mbledh të dhëna rreth rastit”, i ka thënë Krasniqi Insajderit.
