Dy oficerë të policisë në Wisconsin janë larguar nga puna të hënën ndërsa autoritetet shtetërore hetojnë pse një burrë me ngjyrë u qëllua shumë herë në pjesën e pasme – shtatë krisma u dëgjuan- ndërsa ai hyri në derën anësore të shoferit të një makine, thanë zyrtarët, shkruan BBC, transmeton Insajderi.
Tre fëmijët e këtij burri – 3, 5 dhe 8 vjeçar – ishin në makinë, tha një avokat i familjes.
I identifikuar nga guvernatori si Jacob Blake, burri është në gjendje të qëndrueshme në një njësi të kujdesit intensiv, sipas avokatit Ben Crump, i cili përfaqëson familjen Blake. Crump postoi një video nga të shtënat në mbrëmjen e së dielës në Kenosha.
Pasi videoja e postuar u bë virale në rrjete sociale, protestuesit të hënën u mblodhën në sallën e gjyqit në qytetin Kenosha dhe dolën ballë për ballë me policinë.
Një automjet i blinduar ishte gjithashtu në vendngjarje dhe policia hodhi gaz lotsjellës në turmën e protestuesve. /Insajderi.com
