Dorëheqja e Donika Kadaj-Bujupi nga Aleanca për Ardhmërinë e Kosovës, dy ditë para protestës së radhës për Ramush Haradinajn është një beafsi, teksa për partinë tjetër opozitare VV kjo është e parëndësishme përderisa ajo vazhdon të mbetet e palëkundur në luftën kundër Qeverisë
“Na ka befasuar vendimi i Donikës”, tha Ramush Haradinaj për emisionin “Rrokum Roll” në Rrokum TV, teksa në të njëjtin emision, Albulena Haxhiu nga Vetëvendosje e cilësoj dorëheqjen e Donika Kadaj-Bujupit nga AAK-ja si të parëndësishme karshi kauzës së opozitës.
“Mbetet te shpresoj dhe besoj se zoja Kadaj Bujupi do të vazhdojë njësoj, sepse duke marrë parasysh situatën politikë që po kalojmë nuk ka rëndësi shumë a është në Aleancë, në Vetëvendosje, në Nismë apo në shoqëri civile apo kudo tjetër. E rëndësishme është qëndrimi kundër apo përballë këtij pushteti kriminal”, ka thënë Haxhiu, raporton Insajderi.
Kadaj-Bujupi është njëra prej deputeteve të opozitës më aktive në këto gjashtë muajt e fundit.
Për këtë ka vuajtur edhe pasojat. Fillimisht është arrestuar me 18 nëntor 2015 për hedhje të gazit bashkë Albin Kurtin, Albulena Haxhiun dhe Faton Topallin nga Vetëvendosje.
Ka vuajtur 30 ditë paraburgim, dhe ka qenë në arrest shtëpiak, teksa aktiviteti i saj pas kësaj periudhe ka vazhduar në Kuvendin e Kosovës duke vazhduar me gjuajtjen e gazit lotjsellës.
Lideri i AAK-së, Ramush Haradinaj i cili nuk ka qenë i përfshirë në këto aktivitete, ka thënë se vendimi i Kadaj-Bujupit edhe pse jo i sqaruar, nuk e ndanë AAK-në.
“Ne i urojmë sukses në cilindo drejtim apo vendim që ajo e ka marrë. Ne si AAK vazhdojmë të jemi të bashkuar”, ka thënë Haradinaj.
