Aeroplani i një kompanie filipinase i cili ishte planifikuar të fluturojë nga Los Anxhelosi për në Manilë u detyrua të aterrojë pak kohë pas fluturimit për shkak të prishjes në motor, kanë kumtuar sot zyrtarët.
Askush nga 347 pasagjerët dhe 18 anëtarët të ekuipazhit nuk është lënduar, transmeton Reuters.
Deri te incidenti ka ardhur kur piloti i Boeing 777 ka shpallur gjendje të jashtëzakonshme dhe prishje të mundshme të motorit, ka kumtuar zëdhënësi i aeroportit në Los Anxhelos, derisa njëri nga dëshmitarët ka përshkruar se kanë parë flaktë duke dalë nga motori.
Aeroplani pas lajmërimit të prishjes u kthye në aeroport, ku zjarrfikësit e shuan zjarrin.
Pretendohet se aterrimi i detyrueshëm i këtij aeroplani nuk ka cenuar fluturimet tjera.
Për momentin nuk dihet përse ka ardhur deri te prishja e motorit të aeroplanit./Insajderi.com.
Is a plane suppose to spew flames? #airplane #lax @AmericanAir @flyLAXairport pic.twitter.com/62sqcnsW8M
— Big Red (@andrewblakeames) November 21, 2019
