Kryeministri Ramush Haradinaj, së bashku me presidentin Hashim Thaçi dhe ministrin e Jashtëm Behgjet Pacolli, u ribashkuan sot në një restorant në Gjakovë pak kohë pasi ishin mbledhur për të kujtuar Betejën e Kosharës.
Nga Kosharja, tre liderët e lartë të shtetit shkuan në restorantin “Xeni Imperial” në Gjakovë, ku u pritën nga pronari i këtij restoranti, që njëkohësisht është edhe këngëtar, Shkelzen Jetishi.
Përveç se u pritën me ushqim, në restorantin e këngëtarit të njohur, Haradinaj, Thaçi e Pacolli dëgjuan muzikë të kënduar nga Shkelzen Jetishi – Xeni.
Në një video të publikuar në rrjetin social Facebook nga djali i Shkëlzen Jetishit, Korabi, shihen tre liderët teksa konsumojnë ushqimin e drekës në restorantin “Xeni Imperial”. Por, përveç kësaj, disa nga të pranishmit në drekën e liderëve, kanë shkelur Ligjin për Duhanin.
Neni 11/ Pika 1 e “Ligjit për Duhanin” thotë se ndalohet pirja e duhanit në: 1.1. hapësirë publike; 1.2. hapësirë të punës; 1.3. mjetet e transportit publik; dhe 1.4. hapësirat e hapura të përcaktuara në paragrafin 3. të këtij neni.
Në një moment, këshilltari i Behgjet Pacollit, Jetlir Zyberaj shihet teksa konsumon duhan në ambient të mbyllur, teksa paketa të cigareve shihen gjithandej në tavolinën e drekës.
https://video.gjirafa.com/insajderi?video=dreka-e-xenit-per-haradinajn-thacin-e-pacollin
