Gjatë njëzetekatër orëve të fundit në Kosovë kanë ndodhur dy aksidente me fatalitet prej të cilave vdiqën tre persona.
Në Shtime një veturë ka goditur dy të mitur e që nuk i mbijetuan plagëve të marra përkundër trajtimit në klinikën familjare e më pas edhe në Qendrën Klinike Universitare të Kosovës.
Policia ka njoftuar se shoferi është arrestuar e më pas është dërguar në mbajtje, njofton Insajderi.
Ndërsa, në Mitrovicë të Veriut pasi u përplasen dy vetura mes veti, një person ndërroi jetë, ndërkaq tjetri mori lëndime trupore.
Numri i përgjithshëm i aksidenteve të dielën ishte 47, pos dy me fatalitet, 15 ishin me të lënduar e 30 me dëme materiale.
SI pasojë e mosrespektimit të rregullave të komunikacionit, shkak i ndodhive të aksidenteve, Policia gjatë ditës së fundit shqiptoi edhe 948 gjoba. /Insajderi.com
