Dy mjekë në Qendrën Klinike Universitare të Kosovës, janë riinfektuar Coronavirus, njofton Insajderi.
Lajmin e ka bërë të ditur nënkryetari i Odës së Mjekëve, Naser Gjonbalaj.
Ai tha se nuk dihet se pjesë e cilës klinikë janë këta mjekë, por se në bazë të informacioneve të dy janë riinfektuar me COVID-19.
“Po gjatë javës jemi informuar edhe për dy raste të riinfektimit tek mjekët. Nuk e dimë se të cilës jklinikë janë ata. Informacionet i kemi vetëm që janë riinfektuar”, ka thënë Gjonbalaj për Express.
Në ndërkohë Instituti Kombëtar i Shëndetësisë Publike ka njoftuar se në 24 orët e fundit janë regjistruar gjashtë raste të vdekjes dhe 730 raste të reja me virusin Corona.
Rastet pozitive janë nga komunat: Prishtinë 201 raste, Prizren 63 raste, Pejë 53 raste, Gjakovë 47 raste, Mitrovicë 41 raste, Fushë-Kosovë 40 raste, Lipjan 38 raste, Podujevë 38 raste, Gjilan 35 raste, Ferizaj 28 raste, Kamenicë 26 raste, Vushtrri 22 raste, Obiliq 20 raste, Viti 12 raste, Istog 9 raste, Drenas 8 raste, Klinë 8 raste, Graçanicë 7 raste, Rahovec 7 raste, Deçan 6 raste, Skenderaj 6 raste, Shtime 4 raste, Suharekë 4 raste, Malishevë 3 raste, Kaçanik 2 raste dhe me nga një rast komunat Dragash dhe Hani i Elezit. /Insajderi.com
