Një mjet shpërthyes dyshohet se është vendosur në një autobus në fshatin Llapushnik të Drenasit, njofton Insajderi
Rastin ka konfirmuar për Gazetën Online Insajderi, zëdhënësi i Policisë së Kosovës, Bajram Krasniqi.
Siç njoftohet, policia ka shkuar në vendin e ngjarjes dhe po merret me rastin.
“Sot, rreth orës 17:10, policia është njoftuar nga një qytetar se në një autobus i cili gjendet në fshatin Llapushnik, dyshohet për një mjet të dyshimtë. Policia menjëherë ka dal në vendin e ngjarjes dhe tek motori i autobusit shihet një mjet i dyshimtë. Më pas në vendngjarje janë ftuar edhe njësi tjera relevante që trajtojnë mjete të dyshimta”, tha Krasniqi.
Deri me tani nuk ka informata shtesë lidhur me rastin.
Policia ka njoftuar se do të jep detaje në vazhdim./Insajderi.com
