Personi i vrarë gjatë pasdites së sotme në Prishtinë, është biznesmeni i njohur Albert Krasniqi, i cili dyshohet se është vrarë me armë nga babai i tij me inicialet S.K., njofton Insajderi.
Kështu ka mësuar redaksia nga burime brenda policisë, por që rrethanat e kësaj vrasje ende nuk dihen.
Ngjarja ka ndodhur rreth orës 17:00 në rrugën “Ndue Përlleshi” në kryeqytet.
Rastin për këtë vrasje e ka bërë të ditur për Gazetën Online Insajderi, zëdhënësja e policisë për rajonin e Prishtinës, Flora Ahmeti.
Ajo tha se policia është në vendin e ngjarjes dhe po i merr të gjitha veprimet e nevojshme në hetimin e rrethanave.
Ahmeti ka bërë të ditur se është arrestuar personi i dyshuar dhe është konfirmuar një armë e përdorur në rast.
“Rreth orës 17:00 policia ka marrë informatën per nje vrasje te ndodhur ne rrugen ” Ndue Perlleshi” ne Prishtinë. Menjëhere pas marrjes se informates policia ka dale ne vendin e ngjarjes dhe po ndermerr te gjitha veprimet e nevojshme qe konsistojne ne hetimin e rrethanave qe karakterizojne ngjarjen. Nje person eshte arrestuar si dhe eshte konfiskuar nje arme qe dyshohet te jetë arma e perdorur ne rast. Aktualisht jemi ne fazen fillestare të ndërmarrjes se veprimeve hetimore dhe atyre të ekzaminimit te vendngjarjes ne funksion te ndriqimit te plote të ketij rasti.”, tha Ahmeti për redaksinë.
Viktima – Albert Krasniqi – njëherësh ishte edhe bashkëshorti i Besa Gashit që u shpall Miss Kosova në vitin 2006. /Insajderi.com
