Kur vjen puna për t’i kthyer përgjigje komenteve nëpër rrjete socilale, Alketa Vejsiu nuk përton t’ia kthej askujt.
Kështu ka vepruar edhe me disa komentues së fundmi të cilët e kanë kritikuar moderatoren se pse po përdor fotoshop apo sepse sipas tyre nuk është e hijshme që po ekspozon këmbët.
Alketa ka publikuar disa foto nga pushimet në llogarinë e saj në Instagram, duke pozuar vetëm me një këmishë të bardhë në bregun e detit.
”Ça të themi? Një prezantuesje serioze si shkon kjo veshje apo bravo ke gjithë ato shalë?”- i shkruan një ndjekëse, moderatores.
“Aman vetëm ti mos u mërzit. Unë në plazh do shkoj me golf ose triko leshi dhe me pantallona skish. Vetëm ti të jesh e lumtur”.- ia ka kthyer moderatorja menjëherë.
Por kritikat nuk mbarojnë me kaq, pasi një tjetër komentuesr e ka akuzuar Alketën se ka përdoruar fotoshop për të zgjatur këmbët.
“Se kuptoj pse e zgjat veten me Photoshop kot, sepse të kam parë dhe live dhe s’je ndonjë 2-metroshe … as e shkurtër nuk je por që dhe kaq sa i bën fotot jo e jo”.
Ndërkohë që nuk ka munguar as në këtë rast, përgjigja ironike e Alketës.
“Do t’i shkurtoj herës tjetër! Do dal pa këmbë fare në foto. Në jetë s’kam ç’t’i bëj. I kam 172 cm nga natyra, dhe 182 me taka.”- ka shkruar moderatorja.