Edinson Cavani pritet të vazhdojë karrierën në La Liga pasi nuk arriti marrëveshje me Benfican.
Mediumet spanjolle kanë raportuar se Cavani është në negociata me Real Madridin dhe gjasat janë të mëdha që marrëveshja të arrihet mes klubit dhe lojtarit, transmeton Insajderi.
Edison Cavani, është futbollist i lirë dhe te Real Madrid, shihet si opsion i mirë për repartin e sulmit, si zëvendësues i Karim Benzema. Ekipi spanjoll, është i gatshëm t’i ofrojë Cavani-t kontratë dyvjeçare, me mundësi vazhdimi edhe për një vit tjetër.
Sulmuesi 33-vjeçar, në shtatë edicionet e fundit ka luajtur te Paris Saint-Germain, kurse karrierë në Evropë ka bërë edhe te Napoli e Palermo./Insajderi.com.
