Duket se çdo tendencë e viteve të 2000-ta po rikthehet tani, 20 vjet më vonë.
Por preferenca e kohës që definoi një gjeneratë, si ky i ‘tangave të ekspozuara’ zyrtarisht po rikthehet, tani që një numër i madh i të famshmeve dhe blogereve po përqafojnë trendin, njofton Insajderi.
E në fillim-vitet e 2000-ta, të famshme si Christina Aguilera, Paris Hilton madje edhe Halle Berry shkëlqyen në tapetet e kuqe me të brendshmet e ekspozuara.
Tanga e ekspozuar ose “bishti i balenës” ishte një preferencë përcaktuese dhe vërtet ikonike nga fillimi i viteve 2000.
Tani së fundmi pamë Dua Lipën në rrugët e New York-ut duke sjellur në stilin e saj tendencën e rikthyer. Më pas pamë edhe motrën e të dashurit të saj, Bella Hadid që hyri në radhët e ndjekësve të trendit. /Insajderi.com