“Rri n’shpi” quhet episodi i ri i Schengen Visa, i cili është më ndryshe se episodet tjera, për shkak se gjithçka ndodhë nga shtëpitë e pjestarëve të ambasadës. Të gjithë janë të izoluar, përveç njërit, Nëntorit.
Si gjithmonë, Nëntori është ai që ia huqë gjërave që nuk duhet huqur. Në ditën kur i gjithë ekipi i ambasadës së Schengen Visa gjindej në shtëpitë e tyre, Nëntori arrinë në ambasadë dhe nuk gjen askënd.
Atë e sjell Basria me veturë, i cili e lë Nëntorin dhe shkon te e dashura e tij Nora.
Nëntori mbetet në ambasadë, pa ushqim, transport dhe shpresë. Ai kërkon ndihmë por nuk e gjen nga askush.
I urritur ai telefonon Lirijën, e cila ka ruajtur një copë buke.
Në anën tjetër, Xhejmsi komunikon vazhdimisht me punëtorët e tij, si dhe me Adil Psikologun, për problemet që ka me temperament.
Basrija duket i lumtur pranë Norës e s’i bëhet vonë për Nëntorin, ndërsa Ibra telefonon Lulën ngase e ka marrë malli. Lulja gjindet në shtëpi me familjarë.
Episodi i ri i Schengen Visa “Rri n’shpi” është i xhiruar në atë mënyrë që të mos ketë kontakt me aktorët. Përkushtimi që seriali të mos ndalet në këtë kohë ka bërë që episodi të xhirohet më ndryshe se zakonisht.
“Rri n’shpi”, episodin e 49 të Schengen Visa mund ta ndiqni më poshtë, apo duke u futur në GjirafaVideo.
