Deputetët e Parlamentit Evropian në seancën në Strasburg kanë miratuar rezolutën jodetyruese me të cilën e përkrahin edhe një shtyrje të afatit për Brexit nëse këtë e kërkon Britania e Madhe.
Pas debatit tri orësh 544 deputetë kanë votuar për, 126 ishin kundër dhe 38 kanë abstenuar.
Dalja e Britanisë së Madhe nga BE është paraparë për 31 tetor.
Kryeministri britanik Boris Johnson po insiston që BE të braktiset deri në datën e caktuar me apo pa marrëveshje.
Negociatori kryesor i BE për Brexit Michel Barnier ka thënë se dëshiron të punojë “ditë e natë” në mënyrë që të gjendet zgjidhja më e mirë për dyja palët për Brexitin dhe i ka bërë thirrje Johnsonit që ekipi i tij të jep propozime konkrete./Insajderi.com.