Reperi Fero është duke përgatitur projektin e ri muzikor, të cilin do ta sjellë në një të ardhme të afërt.
Njoftimin e ka bërë vet ai në rrjetet sociale, si edhe producentët e tij, ZzapnChriss.
“Shumë shpejt Fero me projekt të ri”, shkruan në profilin e tyre në Instagram.
Ndërsa në këtë rrjet social, vet reperi ka shkruar: “Unë jam rrit për të qenë problem”.
“Bona fam” është një prej këngëve më të fundit të Feronit Shabanit që u lansua në muajin tetor. Videoklipi i kësaj kënge numëron mbi 3.7 milionë shikime në YouTube.
Ndërkohë që më herët, në muajin qershor, e kishte lansuar këngën “Vi vet”, po ashtu të shoqëruar me video muzikore që numëron mbi 3.5 milionë shikime në shërbimin për shpërndarjen e videove.
Theksojmë se në të kaluarën, Fero solli këngë, si “Veni 1”, “Mamacita”, “S’ka konkurrencë”, “Gang Gang” dhe të tjera, që janë pëlqyer shumë nga fansat e tij.
