Film i par shqiptar i zhanrit thriller Bloodlands”, do të hapë Festivalin Ndërkombëtar të Filmit Horror, që do të zhvillohet në Sidnej të Australisë, më 29 nëntor.
Ky projekt, i realizuar nga produksioni australian “Kastlefilms”, me regji të Steven Kastrissios, është xhiruar në Shqipëri dhe tregon për historinë e një gruaje të thjeshtë e cila dhunohet, mbetet shtatzënë dhe stigmatizohet nga banorët e lagjes së saj. Atë e dëbojnë në mal, duke e quajtur shtrigë. E lënduar, e urryer dhe e dëbuar kjo grua vendos që të shndërrohet në një shtrigë të vërtetë dhe të marrë hakun për të gjithë dhembjen që i kanë shkaktuar.
Filmi tashmë ka marrë edhe shpërblime ndërkombëtare, duke përfshirë edhe çmimin për aktoren shqiptare Suela Bako. Në këtë film me rolet e tyre kanë luajtur edhe aktorët Gëzim Rudi, Emiljani Palali, Alesia Xhemalaj, Florist Bajgira, Ilire Vinca, Dritan Arbana, etj.
