fbpx

Fotografoi pasaportën e Messit, dënohet me një muaj burg

Gjykata në Dubai ka dënuar me burg prej një muaj një polic i cili kishte publikuar një fotografi të pasaportës së futbollistit Lionel Messi në rrjetet sociale.

Sipas raportimeve të Golf News, polici është identifikuar si J.J. dhe është i dënuar për “keqpërdorim të sistemit për telekomunikacion”.

Polici ka pranuar fajësinë duke thënë se me anë të një telefoni celular ka publikuar fotografinë e cila përmbante të dhënat e Messit që ishin në atë dokument.

Incidenti kishte ndodhur më 27 dhjetorë në aeroportin e Dubait, ku Messi kishte ardhur të pranojë një çmim.

Policia ka thënë se ka marrë pasaportën e tij, në mënyrë që të regjistrojë një video sekuencë me pasaportën e njërit prej lojtarëve më të mirë në botë./Insajderi