Franca po përgatitet të vendosë kufizime të reja për udhëtarët nga katër vende në një përpjekje për të mbajtur larg varianteve më infektive COVID-19.
Associated Press raporton se Franca do të vendosë kufizime të reja të hyrjes për ata që vijnë nga Argjentina, Kili, Afrika e Jugut dhe Brazili, transmeton Insajderi.
Hyrja nga ato vende do të jetë e kufizuar për shtetasit francezë dhe anëtarët e familjes së tyre, qytetarët e Bashkimit Evropian dhe të tjerët me një shtëpi të përhershme në Francë. Ata që hyjnë do t’i nënshtrohen një karantine të detyrueshme 10-ditore me kontrolle policore për të siguruar pajtueshmërinë.
Udhëtarët gjithashtu duhet të tregojnë prova të një testi negativ PCR të marrë brenda 36 orëve nga hipja në fluturimin e tyre ose një test negativ antigjeni të marrë më pak se 24 orë para fluturimit të tyre. /Insajderi.com
